لەپەراوێزی نامەکەی نەوشیروان مستەفادا

موحسین کەریم

نامە کراوەکەی نەوشیروان مستەفا بۆ ئەندام پەرلەمانەکانی گۆڕان، دەکرێ لە چەندین لایەنەوە سەرنجی بدرێتێ‌و قسەی لەسەر بکرێ، بەڵام من لێرەدا تەنها ئاماژە بە سێ لایەنی سەرەکی دەکەم کە پێموایە ئامانجی نوسین‌و بڵاوکردنەوەی ئەو نامەیە دیاریدەکات.

یەکەمیان ئەوەیە کە سەرنجی خەڵكی زەحمەتکێش‌و گەنجانی ناڕازی کوردستان، کە بە ڕۆشنی لە خۆپیشاندانەکانی بەهاری ساڵی ڕابردوودا مەرگی خەباتی پەرلەمانی‌و چاکسازیی دەسەڵاتی میلیشیایی-بنەماڵەیی بۆرژوازی کوردیان ڕاگەیاند، بەرێتەوە بۆلای پەرلەمان‌و کاری پەرلەمانی وەکو شێوازێکی گونجاو بۆ ئاڵوگۆڕی سیاسی لە بارودۆخی ئێستای کوردستاندا، بەپێچەوانەی ئەوەی کە لە چاوپێکەوتنی ٣٠-١-٢٠١١ لەکەناڵی(KNN)دا سەبارەت بە پەرلەمان رایگەیاندو ووتی :" بەناوی ئەکسەریەت‌و ئەقەلیەتەوە دەستیان بەسەردا گرتوەو چ یاسایەکیان بوێ تێی دەپەرێنن‌و پەرلەمان داگیرکراوە". ئەو قسانەی لە ڕوونکردنەوەی بەیانە(٧)خالیەکەی بزوتنەوەی گۆڕاندا کرد کە بانگەوازی ڕاپەڕینی دژی دەسەڵاتی پارتی‌ویەکێتی کردبوو!

بەپێی قسەکانی نەوشیروان لەو چاوپێکەتنەدا یەکێتی‌و پارتی"هیچ بۆشاییەکیان بۆ نەهێشتبوونەوە کاری تێدابکەن" بۆیە ناچاربوون پەنا بۆ "نافەرمانی مەدەنی" بەرن، کە ئەو کاتە بەهۆی کاریگەری شۆرشەکانی تونس‌و میسرەوە زەمینەی جەماوەری هەبوو. بۆیە پێدەچێ ئێستاو دوای کۆبوونەوە نهێنی‌و دووقۆڵیەکانی نەوشیروان مستەفا لەگەڵ مەسعود بارزانی‌و نێچیرڤان بارزانی‌و تەلەفۆنەکانی لەگەڵ تاڵەبانیدا، بەوە گەیشتبن کە بۆ پاراستنی یەکریزی ناوماڵی بۆرژوا ناسیۆنالیستی کورد لەبەرامبەر دەسەڵاتی ناوەندا، دەست لە دوژمنایەتی هەڵبگرن‌!. یەکێتی‌و پارتی نەك هەربۆشایی کاری گۆڕانیان فراوان کردبێتەوە، بەڵکو ئیمتیازاتی سیاسیشیان پێدابێت. لەبەرامبەریشدا گۆڕان‌و نەوشیروان وازیان لە کارتی "راپەرین"‌و دەرکردنی داگیرکەر لەپەرلەمان هێنابێت! بۆیە هەراوهۆریای دەرکردنی چەند ئەندام پەرلەمانێك کە لەبەرامبەر تەماحی پارەو ئیمتیازاتدا سەریان دانەواندوە، شتێك نیە جگە گۆڕینی تەواوی سیناریۆکە لەبەرچاوی خەڵکداو وەرگێڕانی سەرنجیان لەسەر پووچبوونی ئاڵوگۆڕ لەرێگای پەرلەمانەوە بۆ خراپ بەکارهێنانی جێگاوپێگەی پەرلەمانی‌لەلایەن چەند کەسێکەوە. هەرلەو روانگەیەشەوەیە کە کۆمەڵیک پێشنیار دەخاتە بەردەم ئەندام پەرلەمانەکانی گۆڕان‌بۆئەوەی پێشکەشی پەرلەمانی بکەن، رەنگە گفتی لە پارتی‌و یەکێتیش وەرگرتبێت کە پرۆژەکانی بە ئەکسەریەت‌و ئەقەلیەت پشتگوێ ناخەن!.

جیاواز لەوەی کە پەرلەمان‌و خەباتی پەرلەمانی نەك لە کوردستانی عێراقدا کە دوو حیزبی میلیشیایی کۆنترۆڵی دەسەڵاتی سیاسی‌و ئابورییان کردوە، بەڵکو لە دیموکراتترین سیستەمی پەرلەمانی بۆرژواییدا ناتوانرێ وەکو شێوازێکی گونجاوو موعتەبەر بۆ ئاڵوگۆڕ لە ژیان‌و گوزەران‌و پیادەکردنی ئیرادەی سیاسی جەماوەری کرێکارو زەحمەتکیش‌و بەشخوراوی کۆمەڵگاوە بەدەستەوە بگیرێ، هاوکات ناکرێ باسی پاکوبێگەردبوونی ئەندام پەرلەمان‌و ئەو پۆستە سیاسی‌و ناوەندەی بڕیاریش بکرێ کە نایەکسانی‌و بێمافیەکانی کۆمەڵگا لە بڕگەی یاسایدا تۆمارو جێگیردەکات. ئەندام پەرلەمان یاسای ئەو سیستەمە کۆمەڵایەتیە دەنوسن‌و پەسەند دەکەن کە لەسەر بنەمای سودو قازانج‌و بەرژەوەندی سەرمایەو شەخسی سەرمایەدار دامەرزاوە‌. ئەوان بڕیارنیە رەخنەیان لەبنەمای سیستەمێك بێت کە خۆیان یاساکانی دادەڕێژن. لە سیستەمی سەرمایەداریدا پێشبڕکێی دەوڵەمەندبوون سەرەکیترین میکانیزمی ژیانە کە دەیخاتە بەردەم ئینسانەکان لە کۆمەڵگادا. بلۆف لێدان‌و فێڵکردن‌‌و گەندەڵی هەر بەتەنها پیشەی سیاستمەدارانی بۆرژوازی‌و ئەندام پەرلەمانەکانی نیە، بەڵکو بەشێكە لە لێوەشاوەیی خاوەن کۆمپانیاکان‌، بازرگانەکان‌‌و خاوەن بانکەکان‌و....بۆتاڵانکردن‌و رووتاندنەوەی چینی کرێکارو سەرجەم کۆمەڵگا. گەورەترین دزی ئاشکرا لەلایەن حکومەتەکانی ئەمریکاو ئەوروپاوە لەخەڵك دەکرێ بۆ خاوەن بانکەکان لە پرۆسەی فریاکەوتنی بانکەکاندا(Banks bailout) . لە ووڵاتێکی وەکو بەریتانیادا لەلایەن کۆمپانیاکانی دابەشکردنی گازو کارەباوە گەورەترین دزی لە بەکاربەران دەکرێ بەوەی ساڵانە لە وەرزی سەرمادا نرخی گازو کارەبا بەرێژەیەکەی سەرسوڕهێنەر زیاد دەکەن. پەرلەمانی بەریتانیا لە ساڵی ٢٠٠٩دا گەورەترین ڕیسوایی مالی بەخۆوە بینی کە دەیان ئەندام پەرلەمان بە ملیۆنەها پاوەندیان لە داهاتی گشتی بۆ کاروباری شەخسی خۆیان خەرج کردبوو!.

ئامانجی دووەمی نامەکەی نەوشیروان مستەفا بۆ فراکسیۆنەکەی بۆئەوەیە کە ئەو پەیامە بگەیەنێت کە خۆی‌و تەنها شەخسی خۆی کەسی ئەوەڵو ئەخیری بڕیاردەری بزوتنەوەی گۆڕانە، چونکە ئەو مەرجەعی فکری، سیاسی، ئەخلاقی، پێوانەو ستانداردی هەموو شتێکی گۆڕانە. خۆی کائنێکی پاك و بێگەردە، فریادرەسە، بێخەوش‌و بێخەتایەو دەبێ کەسەکان هەموو کۆپی ئەوبن‌و ئەوانەی کە تەماع لەخشتەی بردوون لەو بێبەرین! دەیەوێ ئەو جۆرە تەسویرە لەسەر خۆی بدات بە کۆمەڵگا، کە بەداخەوە کەسانێك بە ناهەق بروایان پێکردوە، لەکاتێکدا سەرجەم ئیمکاناتە مادی‌و سیاسیەکانی خۆی‌و بزوتنەوەکەی لەسەر بەشی خۆی لە بەشە تاڵانی یەکێتی بنیات ناوە کە لە دەمی خەڵکی گرتۆتەوە! دەنا دەکرا لە کۆبونەوەی سەرکردایەتی بزووتنەوەی گۆڕاندا(ئەگەر سەرکرادیەتیەکی هەبێ!) لێکۆڵینەوەو هەڵسەنگاندن لەسەر کاری فراکسیۆنە پەرلەمانیەکەیان بە ئامادەبوونی ئەندامەکانیان بکرایەو دواتر نەخشەی کاری داهاتووی فراکسیۆنەکەیان بخستایەتەروو. بەڵام نەوشیروان ئەو کارە ناکات، چونکە دەیەوێ بە لایەنگرانی خۆی‌و بە کۆمەلگاش بڵێ کە بزوتنەوەی گۆڕان واتە نەوشیروان‌و ئەوانی دیکەش تەنهاو تەنها لەسایەی سومعەی ئەوداو لەدوای ئەوەوە جێگایەکیان پێدەبڕێ‌!.

ئامانجی سێ‌یەم‌و کۆتایی بە بڕوای من ئەوەیە کە نیشانی بدات گوایە وەفادارە بە پرەنسیپی شەفافیەتی سیاسی‌‌و ئاگادارکردنی جەماوەر لە هەر مەسەلەو بڕیارێکی سیاسی، کە یەکیك بوو لە پڕوپاگەندەکانی سەردەمی هەڵبژاردنەکان‌و دواتری بزوتنەوەی گۆڕان‌و خودی نەوشیروان مستەفا بەرامبەر بە سیاسەتی کۆبوونەوەی ناو ژوورە تاریکەکان‌و وەکو خۆی دەڵێ"گەوجاندنی" خەڵک لەلایەن یەکێتی‌و پارتیەوە! بەڵام ناوبراو لە دوو کۆبوونەوەی نهێنی لەگەڵ مەسعود بارزانی‌و پاشان لەگەڵ نێچیرڤان بارزانیدا، کە نەك خەڵکی کوردستان یەك ووشەی لەبارەوە نازانێ، بەڵکو هیچ کەسێکیش لە سەرکردەکانی بزوتنەوەی گۆڕان ئامادەیان نەبوون، کۆبوەوەو بێگومان مەسەلەی زۆر گرنگ‌و جێی بایەخی هەردولاشیان تاووتوێکردوە! بۆیە ئەم هەراسازیەش بێجگە لە سیاسەتی "گەوجاندن" هیچ مانایەکی دیکەی نیە!.

٢٨/١/٢٠١٢

ڕاگه‌یاندنی کۆتایی کۆنفڕانسی له‌نده‌ن له‌ دژی به‌رده‌باران و له‌ سێداره‌دان

كۆنفرانسێک له‌ له‌نده‌ن له‌ ژێر دروشمی (نا بۆ بەردباران و لەسێدارەدان) ڕۆژی شه‌ممه‌ رێكەوتی (14/1/2012) لەهۆڵی ئەمنستی ئینتەرناشیۆناڵ لە لەندەنی پایتەختی بریتانیا بە بەشداری زیاتر لە سەد كەسایەتی و چالاكوانی ژنانی كورد لە پارچەكانی كوردستان و

که‌سایه‌تی به‌ریتانی چالاک له‌ بواری ژنان دەستی بەكارەكانی كرد و ئێوارەی هەمان رۆژ كۆتایی پێهات.

ئەم كۆنفرانسە لەلایەن هەریەك لە رێكخراوی جیهانی ژنانی ئازاد و رێكخراوی ئازادی ژن لە عێراق –نوێنه‌رایه‌تی ده‌ره‌وه‌ و رێكخراوی ژنانی رۆژ، ڕێکخرابوو وه‌ كارەكانی دابەشكرابوو بەسەر دوو پانێلدا. زۆر بابەتی گرنگ خرانەڕوو، هەریەكە لە پرسەكانی لەسێدارەدان و توندوتیژی بەرامبەر بە ژنان و لەسێدارەدانی ژنان خرانەڕوو. ئامادەبووان گفتوگۆی چڕوپڕیان لەبارەوە كرد.

پانێلی یه‌که‌م له‌لایه‌ن خانمی پارێزه‌ر و چالاکوانی مافی ژنان خاتو ئه‌یلام گویله‌ره‌وه‌ به‌ڕێوه‌ برا.

لە پانێلی یەكەمی كۆنفرانسدا هەریەك لە نوێنەری ئەمنستی ئەنتەرناسیۆناڵ و جێگری بەڕێوبەری پرۆگرامی رێكخراوەكە لە خۆرهەڵاتی ناوەڕاست و باكووری ئەفریقیا خاتوو (ئان هاریسن) وتارێكی لەبارەی لەسێدارەدان و بەردبارانی ژنان لە ئێران و ناوچەكە خستەڕوو و ئامارێكی رێكخراوەكەیانی لەو بارەیەوە خستەڕوو. (هۆزان مەحموود) یه‌کێک له‌ ڕێکخه‌رانی کۆنفڕانس و نوێنه‌ری ڕێکخراوی ئازادی ژن له‌ عێراق-ده‌ره‌وه‌ی وڵات. لە وتارەكەیدا باسی لە توندڕەوی ئاینی و پلە دوو بوونی ژنان لە سایەی ئەو وڵاتانەی ئیسلامیان كردووەتە سەرچاوەی یاساکان کرد .. هۆزان لەوتارەكەیدا تیشكی خستە سەر پرسی بە زۆر بەشوودانی كچانی خوار تەمەنی 16 ساڵی بەتایبەتی لە ئێران و عەرەبستانی سعودیەدا وباسی ئامارێکی کرد كە تەنیا لە ئێراندا 800 هەزار كچی خوار تەمەنی 16 ساڵ خراونەتە ناو پرۆسەی هاوسەرگیرییەوە كە ئەمە چەندین گرفتی كۆمەڵایەتی و دەروونی بۆ ئەو كچانە درووستدەكات. لە وتارەكەیدا نموونەی دۆسیەی دوعا هێنایه‌وه‌، كە لەسایەی بوونی هەژموونی كلتووری و ئاینیی لەلایەن كۆمەڵگەی باوك سالاریی یه‌وه‌ بەردباران كرا وه.‌ ئاماژه‌ی بۆ ئه‌وه‌ کرد که‌ توندڕەویی ئاینی رێگە بەهاوسەرگیری نێوان پێكهاتە ئاینییەكان نادات و رێگەیەكی دیكەش لەبەردەم ژناندا نییە بۆ ئەوەی لەدەرەوەی ژیانی هاوسەری بژین و تەنیا رێگە شووكردنە، كە ئەمە خۆی ستەمێكی دیكەیە لە ژنان دەكرێت، چونكە مەرج نییە، هەموو كەسێك ئارەزووی ئەوە بكات ژیانی هاوسەری پێكبهێنێت . چالاكوانی ژنی كورد لە رۆژهەڵاتی كوردستان (باوان خەلیفە) لە وتارێكدا رەوشی ژنانی لەرۆژهەڵاتی كوردستان و ئێران خستەبەر باس و باسی بەردبارانكردن و لەسێدارەدانی ژنانی كرد لە سایەی كۆماری ئیسلامی ئێراندا و باسی تاوانەكانی ئەو رژێمەی بەرامبەر بە ژنانی كورد به‌ تایبه‌ت خسته‌ڕوو.

چالاكوانی ژنی كورد لە باكووری كوردستان رۆژنامەنوس لە رۆژنامەی ئۆزگور پۆلیتیكا (مێرال جیجێك) وتارێكی لەبارەی پێگەی ژن لەسیستەمی باوكسالاری و توندوتیژی بەرامبەر بە ژنان لەتوركیا پێشكەشكرد. هه‌وره‌ها باسی له‌ کار و که‌مپینه‌کانی کرد بۆ ناساندنی کوشتاری ژنان-فیمیساید وه‌کوو تاوانێکی نێو ده‌وڵه‌تی. ماوه‌ی سه‌عاتێک ته‌رخان کرا بۆ پرسیار و وه‌ڵام له‌گه‌ڵ ئاماده‌بوان. پانێلی دووه‌م پاشنێوه‌ڕۆ ده‌ستی پێکردو له‌ لایه‌ن ئایشه‌ تێکاگاج ئه‌ندامی ڕێکخراوی ژنانی رۆژ برا به‌ڕێوه‌.

له‌ پانێلی دوهه‌مدا چالاكوانی ژنی كورد لە باكووری كوردستان و پەرلەمانتاری كورد لەفراكسیۆنی پارتی ئاشتی و دیموكراسی (سەباحەت تونجەل) وتارێكی لەبارەی خەباتی ژنان بۆ دیموكراتیزەكردنی رۆژهەڵاتی ناوین و بەدیهێنانی ئەلتەرناتیڤێک له‌ دژی سیستەمی باوكسالاری خستەڕوو. هەروەها باسی لە گرنگی خەباتی ژنانی كورد كرد بۆ بەگژداچوونەوەی ستەمی نەتەوایەتی ده‌وڵه‌تی تورکیا و لەهەمان كاتدا ستەمی كۆمەڵگەی باوكسالاری دژ بە ژنان. و روونیکردەوە، كە ژنانی كورد لە باكووری كوردستان توانیویانە لەهەردوو بەرەی خەباتەكەیان چ بەرامبەر بە ستەمی نەتەوەیی، چ بەرامبەر بە ستەمی رەگەزپه‌رستی. وه‌ توانیویانه‌ دەستكەوتی گرنگ بەدەستبهێنن. لە وتارەكەیدا (سەباحەت تونجەل)ئاماژه‌ی به‌ گرنگی خه‌باتی ژنان دا که‌ ژنانی كورد تەنیا دژی پیاوسالاری و ستەمی ده‌وڵه‌تی تورکیا ناجەنگن، بەڵكو بەرەنگاری ستەمی پیاوسالاری كۆمەڵگەی كوردیش بوونەتەوە و لەهەموو ناوچە كوردییەكان ئەنجومەنی ژنان پێكهێنراوە به‌و هیوایه‌ی گۆڕانکاری گرنگ به‌ده‌ست بێنن. وتاربێژی دوهه‌م ، نوێنەری رێكخراوی جیهانی ژنانی ئازاد- ئەڵمانیا (ئاننا كریستین كۆوارسچ) لەوتارێكدا باسی لە رۆڵی كەمپینی سیاسی و كۆمەڵایەتی لەدژی لەسێدارەدان و بەردباران كرد. هه‌روه‌ها باسی کارو چالاکی گرنگی ژنانی باکوردی کوردستانی کرد له‌ دژی کوشتار و چه‌وسانه‌وه‌ی ژنان. دواتر چالاكوانی ژنی باشووری كوردستان (شۆخان فەرەج) لەوتارێكدا باسی لە كۆمەڵێك كێشەی ژنان لە هەرێمی كوردستان كرد و تیشكی خستە سەر رەوشی ئابووری و كۆمەڵایەتی و ئاینیی هەرێم و گرفتەكانی ژنانی كورد. له‌ کۆتایی ئه‌م پانێله‌دا سه‌عاتێک کات ته‌رخان کرا بۆ پرسیار و وه‌ڵام. لە كۆتایی كۆنفرانسەكەدا راسپاردەی كۆنفرانس ئامادە كران و لەلایەن یه‌كێک له‌ ڕێکخه‌رانی کۆنفرانسه‌وه‌ (هۆزان مەحموود) خوێندرانەوە .

ڕێکخراوی جیهانی ژنانی ئازاد، ڕێکخراوی ئازادی ژن له‌ عێراق-نوێنه‌رایه‌تی ده‌ره‌وه‌- ڕێکخراوی ژنانی رۆژ

بۆچی دروستکردنی گروپه‌ لۆکاڵیه‌کان زه‌رورییه‌؟

زاهیر باهیر

له‌نده‌ن 16/01/2012

کۆمپانیاکانی پیشه‌سازی و بازرگانی مۆدیرن، کاپیتاڵیست و کاپیتاڵیزم، ده‌وڵه‌ت و فه‌رمانڕه‌وایان که‌ کۆمه‌ڵگه‌کان به‌ڕێوه‌ده‌به‌ن ، تا بیناقاقه‌یان گه‌نده‌ڵه‌ و ده‌ستیان له‌ هه‌بوونی برسێتی و به‌دەستهێنانی پاوه‌ر و چه‌وساندنه‌وه‌ و پڕوپاگه‌نده‌کردن و توندوتیژی و دانانی یاسا و ڕێسایه‌ک که‌ به‌ به‌رژه‌وه‌ندی خۆیان بشکێته‌وه‌، وێرانکاری و وێرانکردنی هه‌موو که‌ڵچه‌ره‌کان و نامۆیی و شه‌ڕ و تێکدانی سروشتی سروشت و هه‌تا به‌کارهێنانی توندوتیژی و دڕنده‌یه‌تیش به‌رامبه‌ر به‌ ئاژه‌ڵ و گیانله‌به‌رانیشدا، هه‌یه‌.

لا للتزوير والتزييف!..الحركة العمالية النقابية نموذجا!

المهندس الاستشاري / سلام كبة

اليوم وبعد اكثر من تسع سنوات على انهيار النظام الدكتاتوري،وما اعقبه من تغيير،تواصل الطبقة العاملة وحركتها النقابية نضالاتها  المتعددة دفاعا عن مصالح العمال وقضاياهم العادلة،وتقاوم محاولات الالتفاف على حقوقها المشروعة،متطلعة الى تحقيق ظروف عمل افضل وحياة حرة كريمة امنة ومستقرة،في ظل تشريعات قانونية ضامنة لذلك.ومن الظواهر السلبية والخطيرة التي تعيق الحركة النقابية في عراق اليوم لا التدخلات الحكومية في شؤون الاتحاد العام لنقابات العمال في العراق،وفي غيره من الاتحادات والنقابات ومؤسسات المجتمع المدني،فقط بعدما واصلت الحكومة العراقية تعطي اذنا صماء للمطالبات العمالية المتواصلة بالغاء القرار 150 لسنة 1987 الذي اصدره مجلس قيادة الثورة المنحل وحول بموجبه عمال قطاع الدولة الى موظفين،ومنعهم من تشكيل نقاباتهم الخاصة،واستمرار بقاء قرار بريمر رقم 45 لسنة 2003 الذي جمد بموجبه النشاطات الانتخابية للنقابات ووضعها تحت رحمة اللجان الوزارية ساري المفعول،وماتزال الحكومة مصرة حتى اليوم على قرارها المجحف رقم 8750 لسنة 2005 والخاص بتجميد الاموال المنقولة وغير المنقولة للنقابات.بل ظهرت،وهذه قضية طبيعية وواردة جدا في ظل الأزمة العامة الشاملة،وهي الاكثر عمقاً بين مجموعة الأزمات التي سبقتها بعد ان باتت ان العملية السياسية الجارية اليوم في بلادنا في مهب الريح،النشاطات المتزايدة للتيار الانتهازي الذي يستخف بالصفات النقابية ويستهين بها،ونشاط ممن سبق لهم ان فصلوا من المكتب التنفيذي او مارسوا التزييف والتزوير وتفضيل مصالحهم الخاصة على مصالح العمال والعمل النقابي الحقيقي!وهذا ليس بمعزل عن النشاط التخريبي لبقايا الزمر البعثية والعناصر الطارئة عن العمل النقابي من الذين اذا طردوا من الباب الرئيسي للدار يدخلون من شباكه!

لقد فوجئت الحركة النقابية العمالية بالعملية الارتدادية يوم 18/1/2012 اثناء انعقاد المجلس المركزي للاتحاد العام لنقابات العمال في العراق ونتائج انتخابات المكتب التنفيذي وتربع شلة من الحثالات الطبقية ممثلة بالبعثية الاشاوس وبالتحالف مع بعض التيارات الدينية على مقدرات ورئاسة الاتحاد!نعم،هكذا وفي غفلة من الزمن يصبح جبار طارش"القيادي البعثي التائب"سكرتيرا للاتحاد بعد ان ركب الموجة المطلبية للشرائح البسيطة الدينية العفوية كي تصله الى ما لم يكن يحلم به في عز الدكتاتورية البائدة!وهذا ليس بمعزل عن التجاوزات والخروقات والتدخلات الفظة في شوؤن الاتحاد العام لنقابات العمال في العراق طيلة الاشهر الماضية والتي اوردها بيان الاتحاد العام لنقابات العمال في العراق / المكتب التنفيذي في 25/1/2012!

لقد وجدت الحثالات الطبقية في عراق ما بعد التاسع من نيسان ضالتها بالطائفية السياسية والولاءات دون الوطنية متنفسا للحراك الاجتماعي .. فالطائفية السياسية هي العملة الفاسدة والسوق المغشوشة التي تمثل في حقل السياسة ما تمثله السوق السوداء في ميدان الاقتصاد،من حيث إنها تقوم على إلغاء المنافسة النزيهة والمعايير الواحدة واستخدام الاحتكار والتلاعب وسيلة لتحقيق الأرباح غير المشروعة للطرف المتحكم بها.ولا نعيد الى الأذهان ان الانتهازية معروفة في كل زمان ومكان كنزعة سياسية بورجوازية صغيرة تميل نحو التعاون الطبقي والتوفيق والتوافق مع البورجوازية عبر التفكير المتحجر المنسلخ من الحياة والعمل بالمسلمات كأحكام وحقائق في كل الظروف والازمنة وتقديس العفوية والصدفة،واليسارية منها مزيج انتقائي نفعي فوق ثوري وتكتيكي مغامر من الطروحات والتصورات الارادوية لجبروت العنف الثوري،انها المغامرة السياسية والتضحيات العديمة الجدوى!ولا غريب ان تنتعش الانتهازية مع فترات نهوض البراغماتية والروزخونية الدينية والأزمات السياسية الخانقة التي تفتعلها الطائفية السياسية الحاكمة في بلادنا اليوم!

يرى الانتهازيون اليوم ان حراكهم هو ميدان للشطارة والفهلوة والفساد والإفساد بالشراكات والتعاقدات المعلنة والخفية المباشرة وغير المباشرة مع المتنفذين والأرستقراطية وكبار الموظفين والسلطات الحاكمة.واذ تتستر الروزخونية بالنفاق والتستر بصيحات المصالحة الوطنية ومعاداة الارهاب وتدعي التمسك بمفاهيم التقدم الاجتماعي دون جدوى،مسخرة لتحقيق اغراضها المؤسسة الدينية والدولة والميليشيات اي القوة المسلحة المقرونة بالترهيب والترغيب الديني والمادي،فأن البراغماتية ترى الحياة وفق مبدأ ادارة الأزمات،وفيها لم يعد المهم ان يكون البرنامج والسياسة العامة موافقة للحقيقة بل ان تكون نافعة او ضارة بالرأسمال،مناسبة او غير مناسبة،ترضى عنها الشرطة ام لا ترضى!وفي حقيقة الامر تكشف هذه الظواهر بوقاحة عن تكريس دور الشلل الانتهازية والبلطجية وعن التحريم والتكفير والاتهام بالهرطقة والقمع السياسي وازدياد الاعمال الارهابية والاغتيالات ومحاربة مشاريع العقل الاجتماعي والسياسي في المجتمع اي مشاريع المعقول الاجتماعي والتشارك السياسي والترابط بين العاقل والمعقول!

من هذا المنطلق فقد وضع اعضاء المجلس المركزي للاتحاد العام لنقابات العمال في العراق من اعضاء المكتب التنفيذي ومندوبي النقابات العامة واتحادات عمال المحافظات امورهم على السكة الصحيحة بعد رفضهم نتائج اجتماع المجلس المركزي الاخير جملة وتفصيلاً،ورفضهم للطبخة المشبوهة التي اعد بها،ورفضهم التلوث بالنزعات السياسية الضارة بالعمل النقابي والكفاح الطبقي العادل!كما ان تأكيدهم على العمل النقابي الحقيقي وفضح المسيئين له من اجل تنقية الحركة النقابية وتنظيمها من كل الشوائب التي علقت بها،وعزل العناصر التي فرضت عليها لاسباب بعيدة عن الديمقراطية النقابية وروحها ومسيرتها الظافرة،هو عين الصواب.

تدفع الانتهازية بعيوب السفسطة الى الاعماق ولا تجتثها،وهي لا تغير شيئا من الطبيعة اللاشعبية للطائفية السياسية الحاكمة!لانها تحافظ على اللامساواة الاجتماعية وتشدد الاستقطاب الطبقي وتكرس الفقر والعوز والتمايز الاجتماعي وتوسع جيل المهمشين والمنسيين المنبوذين بينما يعيش رجال الاعمال – البيزنس على حساب صحة وحياة ابناء شعبنا والطبقة العاملة!

الطبقة العاملة العراقية لا تستكين ولا تستسلم للنوازع المناقضة للديمقراطية،ولنصوص الدستور،وتواصل النضال من اجل احترام استقلالية الاتحاد العام لنقابات العمال في العراق وحرية نشاطه،بعيدا عن اية تدخلات غير دستورية من اية جهة كانت.وان وعي‮ ‬القيادات العمالية وتضامنها سوف‮ ‬يحول دون تمزيق اوصال الحراك النقابي في‮ ‬مجتمعنا،‬ولن تسمح بان تصبح النقابات صناديق خيرية اخرى،‮‬وسوف لن تستطيع الرجعية من اي‮ ‬نوع كانت ان تعيد التاريخ الى الوراء!.

معا يدا بيد للالتزام بالشرعية النقابية والانظمة والقوانين المستمدة شرعيتها من ابناء طبقتنا العاملة البواسل مؤكدين على ضرورة الاسراع بإجراء الانتخابات العمالية العامة في مواقع العمل كافة بعيدا عن تزوير و تزييف الارادات!

بغداد

26/1/2012

دوژمنانی كوردو كوردستان له‌ كوردستاندا تراتێن ئه‌كه‌ن

ئه‌حمه‌د ره‌جه‌ب

ئه‌ی كوردینه‌، ئه‌ی مه‌ردینه وریا بن، وریا بن{ وریا بن} كوردستان له‌ مه‌ترسیدایه‌.

هه‌ر له‌ پاش رووخاندنی رژێمی خۆێنرێژی دیكتاتۆری سه‌دام حسه‌ێن سه‌ركردایه‌تی دوو پارته‌ زلهێزه‌كه‌ی ده‌سه‌ڵاتی كوردستان: پارتی دیموكراتی كوردستان و یه‌كێتی نیشتمانی كوردستان زۆر نه‌رم و نیان بوون به‌رامبه‌ر به به‌عسییه‌ خۆێرێژه‌كان و جاش و موسته‌شارو سیخورو كه‌سانی چه‌په‌ڵ له‌‌ دوژمنه‌ سه‌رسه‌خته‌كانی كوردو كوردستان.

سه‌ره‌تا پارتی دیموكراتی كوردستان ده‌ستیكرد به‌ بانگهێشتنی سه‌رانی به‌عس و سه‌رۆك خێڵه‌كانی عه‌ره‌ب و به‌ پاره‌وه‌ پوول و بودجه‌ی خه‌ڵكی كوردستان له‌ ئوتێله‌ پاشه‌كانی شاره‌كانی كوردستان نیشته‌جێی كردن وبه‌بێ ترس ئه‌خه‌ۆتن و له‌ ریستورا‌نه‌ نایابه‌كان نانیان ئه‌خواردو له‌ هۆڵه‌ جوان وقه‌شه‌نگه‌كان به‌ ناوی ئاشتبوونه‌وه‌ی نیشتمانی كۆنگره‌یان بویان ئه‌به‌ست و دڵخۆشیان ئه‌كردن و له‌ باتی ئه‌وه‌ی ئه‌و روو ره‌شانه‌ داوای لێبوردن له‌ گه‌لی قاره‌مانی كوردستان بكه‌ن، به‌ڵام به‌‌ پێچه‌وانه‌وه‌ ""سه‌ركرده‌كان"" داوای لێبوردنیان له‌وان ئه‌كردو، پاش وه‌رگرتنی پاره‌وه‌ پوول وخه‌ڵات و دیاری به‌ره‌و شۆێنی خۆیان ئه‌گه‌رانه‌وه‌و، پاش ماوه‌یه‌كی تر ئه‌هاتنه‌وه‌ بۆ كۆنگره‌یه‌كی نۆێ و، به‌زمی ئه‌م كونگرانه‌، كه‌ به‌ ناوی كۆنگره‌ی ئاشتی وئاشتبوونه‌وه‌ی نیشتمانی له‌ گه‌ڵ به‌عسییه‌كان و كاسه‌لێسه‌كان‌ و دوژمنانی سه‌رسه‌ختی كوردو كوردستان ناونرا بوون چه‌ندین كه‌ره‌ت به‌سترا.

ئه‌گه‌ر باس له‌ یه‌كێتی نیشتمانی كوردستان بكه‌ێن ئه‌بێ راسته‌وخۆ باسی هه‌ڵوێستی لاوازی مام جه‌ڵال بكه‌ێن، كه‌ ئیمزای سزای تاوانباری فه‌رمانده‌ی یه‌كه‌می پرۆسه‌ی یه‌كه‌م ئه‌نفالی چه‌په‌ڵ و به‌دناوی نه‌كردو تا ئێستا وه‌زیری به‌رگری رژێمه‌ داپلۆسێنه‌ره‌كه‌ی سه‌دام حسه‌ێن جه‌نه‌راڵ سلطان هاشم ماوه‌و مام جه‌لال له به‌‌ر خاتری پله‌و پایه‌كه‌ی و خاتری به‌عسییه‌كان و ئه‌مریكاو رژێمه‌ كۆنه‌په‌رسته‌كانی دراوسێی عێراق وه‌ك خۆێ ئه‌ڵێت ناتوانێت ئیمزای بریاری له‌سێداره‌دانی ئه‌و خۆێنرێژه‌ بكات چونكه‌ مام جه‌لال ""پارێزه‌ره‌و مافی مرۆڤ ئه‌پارێزێت"" و به‌ ئیمزاكه‌ی به‌ڵێنی داوه‌ به‌ سۆشیالی نێوده‌وڵه‌تی ئه‌و ئیمزایه‌ نه‌كات. واته‌ پاراستنی به‌رژه‌وه‌ندی تاوانباران و ئه‌نفالچییه‌كان و به‌عسی و خۆێنمژه‌كانی گه‌لی كورد له‌ لای مام جه‌لال له‌ سه‌رووی گه‌لی خۆراگری كوردستانه‌و، هه‌ر له‌م سونگه‌یه‌وه‌ ئه‌بێ خه‌ڵكی به‌ شه‌ره‌فی كوردستان سه‌یری كرده‌وه‌و ره‌فتارو هه‌ڵسوكه‌وتی یه‌كێتی نیشتمانی كوردستان بكات.

كوردستان بووه‌ته‌مۆڵگه‌ی دوژمنانی كوردو كوردستان وخانه‌ی سیخووری ئێران و توركیاو كه‌سانی گه‌نده‌ڵ و به‌عسی وجاش و خۆفرۆش و ئه‌مانه‌ له‌ لایه‌ك و، له‌ لایه‌كی تره‌وه‌ هێنانی دوژمنانی گه‌لی كورد وه‌ك: تاریق هاشمی و صالح موتڵه‌گ وئوسامه‌ نوجه‌ێفی وداروده‌سته‌كه‌ی به‌عسی و سیخووری به‌ناوبانگ ئه‌یاد عه‌لاوی.

رژێمی خۆێنرێژی ئێرانی ئیسلامی رۆژانه‌ به‌ ئاشكرا رۆڵه‌ نه‌به‌زه‌كانی گه‌لی كوردستان له‌ سێداره‌ ئه‌دات و به‌ شێوه‌یه‌كی نامرۆڤانه‌ به‌ربووه‌ته‌ گیانی خه‌ڵكی سڤیلی ئێران به‌ گشتی و خه‌ڵكی كوردستان به‌ تایبه‌تی و، رژێمی توركیا وحزبه‌ ئێسلامییه‌كه‌ی ئیخوانو ئه‌لموسلمین و هه‌تیوه‌كه‌ی كه‌مال ئه‌تاتورك ره‌جه‌ب ته‌ییب ئه‌ردوگان به‌ رۆژی روناك رۆڵه‌كانی كورد به‌ كۆمه‌ڵ ئه‌كوژێ و، ئه‌م دوو رژێمه‌ سه‌ركووتكه‌ره‌ به‌ ناوی ئیسلام خه‌ڵك ئه‌كوژن و، ئیسلامییه‌كان به‌ (شیعه‌ و سوننه‌)و كۆنگره‌ی به‌ناو ئیسلامه‌وه‌و ده‌وڵه‌ته‌ ئیسلامییه‌كان له‌و كوشتاره‌و له‌و كۆمه‌ڵ كوژییه‌ی كوردان بێده‌نگن و جاروبار له‌ ژێر (لچه‌وه‌؟)و په‌رده‌و عه‌ممامه و چادر‌ به‌لا ئه‌خه‌ن و به‌ دوو وشه‌ی وشك ونابه‌جێ دێنه‌گۆو هه‌ندێ بۆڵه‌بۆڵی پروپوچیان لێده‌رئه‌چێ گوایه‌ پشتگیری گه‌لی كوردستان ئه‌كه‌ن، به‌ڵام له‌ راستیدا هه‌وڵه‌كانیان بۆ خزمه‌تی ئاخونده‌كانی ئێران و ئیخوان موسلمه‌كانی توركیایه‌.

به‌رپرسه‌كانی كوردستان وا پیشان ئه‌ده‌ن ئه‌و تاقمه‌ خؤێنرێژه‌ (تاقمه‌كه‌ی سكرتێری حزبی ئیسلامی عیراق العروبه‌ تاریق هاشمی) میوانن !!،

لێره‌دا خه‌ڵكی كوردستان ده‌نگ به‌رز ئه‌كه‌نه‌وه‌وئه‌ڵێن: ئه‌و جۆره‌ میوانانه دوژمنی سه‌رسه‌ختی ئێمه‌ن. ئه‌مانه‌، مه‌به‌ستم ""میوانه‌كانی كوردستانه‌""‌، دژی ماده‌ی (140) ن" دژی ئه‌وه‌ن ناوچه‌ دابراوه‌كان بگه‌رێنه‌وه‌ سه‌ر كوردستان، ئه‌مانه‌ هێڵه‌ سووره‌كانی سه‌ر زاری به‌رپرسه‌كانی كوردستانیان كاڵ كرده‌وه‌ و، ئێستاكه‌ ئه‌و ره‌نگه‌ سوورانه‌ وئه‌و خۆ گڤ كردنه‌وه‌ی په‌رپرسانی كوردستان به‌ هۆێ هاشمی و موتڵه‌گ و پاشماوه‌كانی به‌عس و سیخوورو نامه‌رده‌كانی سه‌رۆكی عوله‌مای موسلیمینی عێراق حارس ئه‌لزاری باویان نه‌ماوه و ماده‌ی (140) بووه‌ قوربانی به‌رژه‌وه‌ندی حزبایه‌تی پارتی ویه‌كێتی وده‌زگاكانی پاراستن و زانیاری به‌ ناو ""ئاسایش""؟؟!!، به‌ تایبه‌ت له‌ كه‌ركوك و خانه‌قین. ‌

تاریق هاشمی ئه‌گه‌ر تیرۆریست نییه‌ بۆ را ده‌كات و پۆستی جێگری سه‌ره‌ك كۆمار به‌جێی ئه‌هێڵێت، یان بۆچی له‌ دادگا ئه‌ترسێت. ئه‌ی كێ له‌ یادی چووه‌ به‌عسی و چڵكاو خۆری ساجیده‌ی ژنی سه‌دام حسه‌ینی گۆر به‌ گۆر صالح موتڵه‌گ كاتێ له‌ ترسی نه‌یاره‌كانی هه‌ڵهات و چووه‌‌ عه‌ممانی پایته‌ختی ئه‌رده‌ن و" له‌ كۆنگره‌یه‌كی رۆژنامه‌وانی، كتوپر وتی: ئێستا ده‌ستمان شكاوه‌،و، هه‌ركات سه‌قامگیر بووه‌وه‌، ئه‌و كات تۆڵه‌ی خۆمان له‌ كورد ئه‌كه‌ینه‌وه و‌، بۆمان هه‌یه‌ بپرسین وبڵێن: ئه‌ی ئه‌مرۆ بۆ له‌ كوردستانه‌؟، چونكه‌ هه‌ره‌شه‌ی لێكراوه‌و سه‌ركرده‌كانی كورد داڵده‌یان داوه‌، باشه‌ ئه‌گه‌ر ئه‌و تاوانبارانه‌ مه‌به‌ست ""میوانه‌كانی كوردستانه‌"" هیچیان نه‌كردووه‌ یان خه‌ڵكی سڤیلی بێ تاوانیان نه‌كوشتووه‌، بۆ رایان كردووه‌ و له‌ به‌رچی هاتوونه‌ته‌ كوردستان؟؟

ئوسامه‌ نوجه‌یفی و براكه‌ی ئه‌سیل نوجه‌یفی مه‌گه‌ر نه‌یانوت: ئێمه‌ تا سه‌ر ئێسقان دژی كوردین، ئه‌ی بۆ له‌ كوردستان سه‌رۆكه‌كان پێشوازیان لێئه‌كه‌ن و داڵده‌یان ئه‌ده‌ن؟؟ و، هاتووچۆی گرماو گه‌رم له‌ نێوان به‌غدا- هه‌ولێرو، موسل- هه‌ولێر ئه‌كه‌ن.

هه‌موو دوژمنانی كوردو كوردستان به‌ به‌رچاوی به‌رپرسه‌كان له‌ كوردستاندا ته‌راتێن ئه‌كه‌ن و، له‌ جێی باش و شایسته‌ دانراون و، به‌‌ ئاره‌زووی خۆیان ئه‌له‌وه‌رێن و، خه‌رجشیان له‌ كیرفانی دانیشتوانی كوردستان ده‌رئه‌چێت.

من پێشتر وتوومه‌و ئێستاش ئه‌ڵێم: روون و ئاشکرایه‌ ده‌سه‌ڵات له‌ کوردستاندا له‌ پاڵ که‌سانی خاوێن و، نیشتمانپه‌روه‌رو، ده‌ستپاک پره‌ له‌ که‌سانی گه‌نده‌ڵ و به‌عسی و جاش و خه‌ڵکانی مشه‌خۆرو دزو قۆڵ برو خۆفرۆش و هه‌ندێ له‌ به‌رپرسه‌ گه‌وه‌ره‌و پایه‌داره‌کان تا بینه‌قاقه‌یان له‌ گه‌نده‌ڵیدا خنکاون و چه‌قیون، و له‌ درۆو ده‌له‌سه‌ ده‌ستی کارامه‌یان هه‌یه‌و هه‌ندێکیان بوونه‌ته‌ نۆێنه‌رو چاوساغ و چڵکاوی خۆری وڵاته‌کانی ده‌وروبه‌ر به‌ناو ""دراوسیێ کوردستان"" به‌ تایبه‌ت تورکیا و ئێران و سوریا.

له‌و رۆژه‌وه‌ تاریق هاشمی و صالح موتڵه‌گ هاتوونه‌ته‌ كوردستان به‌رپرسانی حكومه‌تی توركیاو هه‌تیوه‌كانی ده‌زگای سیخووری (میت) پێ له‌ كوردستان نابرن و، به‌ ئاشكرا ده‌ستیان خستووه‌ته‌ كاروباری كوردستان و، وا خۆیان پیشان ئه‌ده‌ن خاوه‌نی هه‌موو شتێكن و كوردستان به‌شێكه‌ له‌وان و، هه‌ر ئه‌مه‌ش ئه‌بێته‌ بایسی سه‌رشۆری و خۆ به‌ده‌ستوه‌دان و، گه‌لی قاره‌مانی كوردستان قه‌ت به‌و كرداره‌ دزێوانه‌ی به‌رپرسان قایل نابێت و، به‌ ده‌نگی به‌رز نه‌فره‌ت له‌ ترسنۆك و به‌دره‌فتاران ئه‌كات.

كورد میوانی ئێسك قورس و دوژمنی وه‌ك تاریق هاشمی و صالح موتڵه‌گ و نوجه‌یفی وئه‌یاد عه‌لاوی كه‌ هه‌وڵ بۆ عێراقی عروبه‌ ئه‌ده‌ن ناوێت و، هه‌ر ئه‌مانه‌ن دژ به‌ گه‌رانه‌وه‌ی ناوچه‌ دابراوه‌كانن بۆ سه‌ر كوردستان و، هه‌موو كات كێشه‌یان درۆست كردووه‌و درۆستی ئه‌كه‌ن و، هه‌موو لایه‌ك ئه‌زانن (لیستی ئه‌لعراقییه‌) هه‌ر له‌ سه‌ره‌تاوه‌ له‌ گه‌ڵ چاره‌سه‌ری كێشه‌كان نه‌بووه‌.

له‌ مێژه‌وه‌ شێوازی كاركردنی لیستی ئه‌لعێراقییە بەرامبەر بە كێشە هەڵپەسێردراوەكانی كورد سه‌باره‌ت به‌ ناوچه‌ دابراوه‌كان و ماده‌ی (140) نەگۆڕه‌ و هەڵوێستی سه‌ركردایه‌تی كورد به‌ میوانداری تێرۆریست تاریق هاشمی و هه‌موو دوژمنانی كورد وكوردستان به‌ هیچ شێوه‌یه‌ك كاریگەری لەسەر ئه‌و شێوازی كاركردنه‌ی لیستی ئه‌لعێراقییە نابێت، چونكه‌ ئه‌وانه‌ تا سه‌ر ئێسقان دوژمن بوون و هه‌ر دوژمن ده‌مێننه‌وه‌ و، ئاڵۆزییه‌كانی عێراق له‌ په‌ره‌سه‌ندندایه‌و، سه‌ركردایه‌تی كوردستان تا ئێستا نه‌یانتوانیوه‌ سوود له‌و ئاڵۆزییانه‌ وه‌ربگرن و، هه‌رچه‌نده‌ له‌گه‌ڵ چاره‌سه‌ركردنی كێشه‌كانی عێراقن، نه‌یانتوانیوه‌ نه‌‌ له‌ رێی لێكتێگه‌یشتن یاخود له‌ رێی یاساوه‌ بگه‌نه‌ ئه‌نجامێكی باش.

به‌ڵێ ئاڵۆزییەكانی عێراق تا دێت پەرە ئەسێنن و بەردەوامییان هەیە و، حزب و تاقمه‌ سیاسییەكانی عێراق لەسەر تۆمەتباركردنی یەكتر بەردەوامن و، هاوكات كێشەی تێرۆریست تاریق هاشمی جێگری سەرۆك كۆمار تاكو ئێستا بەردەوامی هەیەو چاودێرانی سیاسیش بە گرنگی دەزانن كۆنگرەیه‌ك ببەسترێت بۆ دۆزینه‌وه‌ی رێگای چاره‌سه‌ر كردن.

سه‌ركردایه‌تی باشووری كوردستان له‌ گه‌ڵ عه‌ره‌ب و نه‌ته‌وه‌كانی تر ئه‌یانه‌وێت به‌ ناو ""عێراقێكی"" تازە دروست بكه‌ن، عێراقێكی فرە لایەنی و دەستووری بێت، دوور لە هەوڵەكانی نوری مالیكی كه‌ ئه‌یه‌وێت عێراق بەرەو حوكمڕانی تاكە كەسی و تاكە تایفەیی بەرێت و، هه‌موو بریارێك به‌ ده‌ستی عه‌ممامه‌ به‌سه‌ره‌كان بێت. دیاره‌

كورد مافی خۆیەتی وەكو پێكهاتەیەكی سەرەكی لە عێراق و هاوكات وەكو نەتەوەیەكیش كە ساڵانێكی زۆرە له‌ ژێر بارێكی گران و سته‌م و كۆێره‌وه‌ری ژیاوه‌و مافه‌كانی زه‌وت كراون لە هەموو پێكهاتەیەكی عێراق نزیك ببێـتەوە، بەو مەرجەی ئەمە لەسەر بنەمای چەسپاندنی ئه‌و مافه‌ زه‌وتكراوانه‌ بێت و. بۆ كه‌سیش نییه‌ بازرگانی به‌ناوی پیرۆزی كورد و كوردستانه‌وه‌ بكات و، ته‌نها گه‌لی كورد خاوه‌نی مێژووی كورده‌و، هه‌ر ئه‌ویش بریارده‌ری چاره‌نووسیه‌تی.

ئه‌مرۆ له‌ عێراقدا هه‌موو هێزه‌ سیاسییه‌كان و حزبه‌كان هه‌وڵ ئه‌ده‌ن بارودۆخی ناوخۆی عێراق هێور بكه‌نه‌وه‌ و داوا ئه‌كه‌ن چیتر تایفه‌گه‌ری په‌ره‌نه‌سێنێت ئه‌مه‌ له‌ لایه‌كه‌وه‌، له‌ لایه‌كی تریشه‌وه‌ بارودۆخی كوردستانیش رووه‌و ئاڵۆزی و ناكۆكی ئه‌رواو، دوژمنانی كورد ئه‌یانه‌وێت كورد بخه‌نه‌ بازنه‌ی زۆران بازی نێوان تاقمێكی شیعه‌ی عه‌ممامه‌ به‌سه‌ری دواكه‌وتوو مه‌زهه‌بپه‌رست (ده‌وڵه‌تی یاسا) و، تاقمێكی سوننه‌ی ره‌گه‌زپه‌رست و شۆڤه‌نیست (لیستی ئه‌لعێراقییه‌).

له‌م رۆژانه‌ی دوواییدا سه‌ركرده‌كانی باشووری كوردستان پێشوازییان له‌ شاندی میوانانی نۆێ‌ كردو، ئه‌و میوانانه‌ به‌ پاڵپشت و هاندانی ئیخوان موسلمینی حزبه‌كه‌ی ئوردوگانی رووره‌شی توركیا هاتن و، بورهان غه‌لیون سه‌رۆكی شانده‌كه‌ بوو، پێش هاتنی به‌ چه‌ند رۆژێك ئه‌م چڵكاوخۆره‌ی رژێمی هه‌تیوه‌كانی توركیای عوسمانی به‌ڵێننامه‌یه‌كی پرشه‌رمه‌زاری له‌ گه‌ڵ ئاغاكانی مۆر كرد.

به‌ڵی، میوانه‌كه‌ی به‌رێز مه‌سعود بارزانی بورهان غه‌لیونی چڵكاوخۆر (سه‌ره‌ك ""كۆماری"" ئاینده‌ی سوریا) له‌ گه‌ڵ چه‌ته‌ی خۆێنرێژی ئیخوانی موسلمینی توركیا ره‌جه‌ب ته‌یب ئه‌ردوگان ئه‌م به‌ڵێنه‌ی ئیمزا كرد:

حكومه‌تی داهاتووی سوریا پاراستنی په‌یماننامه‌ی (ئه‌زه‌نه‌ی ساڵی 1998) ئه‌كات بۆ ئه‌وه‌ی ئه‌من و ئاسایشی توركیا پارێزراو بێت و، نابێت به‌ هیچ شێوه‌یه‌ك رێگا به‌ حزبی كرێكارانی توركیا {پ.ك.ك} بدرێت له‌ سه‌ر ئه‌و خاكه‌ بمێنێته‌وه‌.

حكومه‌تی داهاتووی سوریا دان به‌ بوونی كورد له‌ ده‌ستووری نۆێ سوریا نه‌نات.

حكومه‌تی داهاتووی سوریا هه‌وڵ بدات رۆڵی حزبه‌ كوردییه‌كان لاواز بكا، یه‌كێ له‌و حزبانه‌، حزبی یه‌كێتی دیموكراتی به‌رهه‌ڵستكاره‌.

حكومه‌تی توركیا ئه‌توانێت ده‌ستی یارمه‌تی بۆ حكومه‌تی داهاتووی سوریا له‌ ناو سنووری سوریادا دژ به‌ ""ئیرهاب"" بكێشێت.

حكومه‌تی داهاتووی سوریا ئه‌بێ رێگا خۆشكه‌ره‌ بێت بۆ هه‌وڵه‌كانی توركیا له‌ بواره‌كانی پروپاگه‌نده‌و راگه‌یاندن و فێركردن دژ به‌ بزوتنه‌وه‌ی كورد.

حكومه‌تی داهاتووی سوریا ئه‌بێ له‌ كاتی پێویستدا بۆ به‌دوواچوونی (ئیرهابییه‌كان) بوار به‌ ده‌زگاكانی توركیا بدات.

ئه‌و خاڵانه‌ی سه‌ره‌وه‌ به‌ ئاشكرا ئه‌نجومه‌نه‌كه‌ی ئیسته‌نبولی بورهان غه‌لیونی میوانی سه‌ركرده‌كانی باشووری كوردستان ده‌رئه‌خه‌ن كه چۆن چۆنی‌ پشت له‌ حزبێكی هاوپه‌یمان {حزبی یه‌كێتی دیموكرات} ئه‌كات.

توركیاو لێپرسراوانی حكومه‌ته‌كه‌ی ئه‌ردوگان به‌ ئاشكراو به‌ بێ ترس هاتووچۆێ كوردستان ئه‌كه‌ن و، به‌رپرسه‌كانی لای خۆمان به‌ گه‌رمی پێشوازییان لێئه‌كه‌ن و، ئه‌و شاندانه‌ش له‌ هاتن و گه‌رانه‌وه‌ چه‌ند ده‌فته‌ر وبلۆك دولار له‌ پاره‌ و پوول و بژێوی خه‌ڵكی كوردستان ئه‌به‌ن و، هه‌موو كات ئه‌بێ كورد له‌وه‌ بترسێت كه‌ وڵاته‌كه‌مان: كوردستان نه‌بێته‌ هه‌رێمێكی توركیای عوسمانی.

ئه‌ی كوردینه‌، ئه‌ی مه‌ردینه وریا بن، وریا بن{ وریا بن} كوردستان له‌ مه‌ترسیدایه‌.

24/1/2012‌